ازيكوا يا احلى قمرات
النهارده حنعمل رز بالخلطه وفراخ مشويه وتوميه
اكله سهله اوووى ولذيذه اوى اوى ان شاء الله تعجبكوااا
نبدا بالرز
المقادير كبده وقوانص مغسوله كويس بملح ودقيق ومقطعه قطع صغيره
2 ك ارز مصرى مغسول
بصله مفرومه ناعم
2 م سمنه
اول حاجه نحمر البصل فى السمنه لحد ما لونها يصفر غامق شويه عشان ندى لون حلو للرز
بعد كده نضيف القوانص الاول ومعاها فلفل اسود وقرفه معلقه صغيره وبهارات
ونقلب لحدد لونها ما يتغير
بعد كده نضيف كوبايه ميه ونغطى عشان تستوى
نستنى لحد ما تشرب ميتها
نضيف الكبده
ونقلب لحد ما لونها يتغير
نضيف الرز والملح وننخلط كويس
ونضيف ميه ونكمل سوى الرز عادى زى ما بنعمل
نيجى بقى للفراخ المشويه
الاول نحضر التتبيله
مقاديرها
بصله مفرومه ناعم
ملح فلفل كارى قرفه بهارات زنجبيل
عصير ليمون
ندعك البصله بالبهارات السابقه عشان تنزل ميتها ونضيف الليمون ونتبل بيها الفراخ وندخل التتبيله تحت الجلد ونسيبها على الاقل ساعتين عشان تشرب التتبيله ويفضل نعملها من
بليل
ونحط فى الشوايه اللى على النار من فوق على نار هاديه ونتابعها بتزويد ميه سخنه بس كميه قليله
قبل مانشغل الشويايه ندهن الفراخ بكركم عشان تدى لون حلو
التوميه
مقاديرها
2 فص توم مهروس
م مايونيز
علبه زبادى بلدى
لبن للتخفيف
ملح وفلفل
نخلطهم كلهم مع بعض ونزود لبن على حسب القوام المطلوب يعنى مش تبقى خفيف ولا تقيله
وده الشكل النهائى للطبق
وبالهنا والشفا
منقوووووووول لامانه
موضوع: ارز بالخلطه + فراخ مشويه +.............. 
